Futbol agenti Paulu Barboza Portugaliya termasining JCHdagi imkoniyatlari to‘g‘risida o‘z fikrini bildirdi.
«Agar Portugaliya keyingi turda, xuddi Marokash bilan o‘ynagandek (1:0) harakat qilsa, pley-offga chiqa olmaydi. Men hazillashayotganim yo‘q. Hozir shubhadaman.
To‘p uzatishlarda juda ko‘p xato! Bizning terma juda sekin. Eng asosiysi - to‘pni ushlashdan, nazorat qilishdan qo‘rqadigan o‘yinchilar bor. Jamoada ishonch yo‘qoldi. Yarim himoya o‘z ishini bajara olmayapti. Tarkibni yangilash kerak.
Meni ko‘pchilik o‘yinchilar ishontira olmadi. Joau Mariu ideal holatdan uzoqligini ko‘rsatdi, Moutinyo yomon o‘ynadi. Himoyachi Gerreyruga e’tirozlar bor - u juda kuchsiz harakat qildi. Birinchi navbatda, darvozabon Patrisiuni tilga olishim mumkin.
Albatta, Ronaldu g‘alaba to‘pini kiritdi. Biroq, u yaxshi o‘ynadi, deya olmayman. Ronaldu tanaffusdan so‘ng o‘zini ko‘rsatmadi, imkoniyatlari kam bo‘ldi. Portugaliyaliklar faqat himoyalandi, bu hayratlanarli.
Gol ham qoidalar buzilgan holda kiritildi. Pepe qoidani buzgandi. Bu yerda yolg‘on gapirishning keragi yo‘q. Bu golni hisobga olmasa ham bo‘lardi. Mening fikrimcha, bellashuvdagi eng yaxshi o‘yinchi Ronaldu emas, balki golkiper bo‘ldi.
Fikrimcha, bizning kvartetda birinchi o‘rinni Ispaniya egallaydi. Marokashning so‘nggi turda yo‘qotadigan narsasi yo‘q. Kim ikkinchi bo‘ladi? Portugaliya yoki Eron. Portugaliyaliklar bunday o‘yin bilan eronliklarga mag‘lub bo‘lishi va uyga qaytib ketishlari ham mumkin», - dedi Barboza.
