Superliga klublari futbolchilarining jismoniy holati O‘zbekiston Futbol Assosiasiyasi tomonidan tasdiqlangan test-sinovlari orqali nazorat qilib borilishi haqida avval xabar bergan edik. 

Shuni ta’kidlash kerakki, bu kabi test-sinovlari joriy yil avvalida o‘zbek futbolida ilk marta amalga tadbiq etildi. Sinovlarning dastlabkisi o‘tgan yilning dekabr oyida, so‘ngra chempionat starti oldidan fevral oyida o‘tkazilib, shu orqali milliy chempionatimiz klublari futbolchilarining jismoniy holati haqida umumiy xulosa qilingandi.

Mazkur test-sinovlari tizimini ishlab chiqib, futbolchilarning jismoniy holati yaxshilanib borishini nazorat qilayotgan O‘zbekiston Futbol Assosiasiyasining Texnik rivojlantirish boshqarmasi ilmiy-metodik bo‘limi belgilangan reja asosida yozgi normativlar qabul qilishni ham boshladi. 

Kecha, 24 iyun kuni “Qo‘qon-1912” jamoasi futbolchilari birinchi bo‘lib normativlar topshirishdi. Texnik rivojlantirish boshqarmasi ilmiy-metodik bo‘limi xodimi pedagogika fanlari nomzodi, professor Shamil Iseev boshchiligidagi mutaxassislar har bir klub futbolchilarining oydan-oyga jismoniy jihatdan o‘zining optimal sport formasiga kirib borayotganini sinovdan o‘tkazishmoqda.  Futbolchilar 30 metrga yugurish, uzunlikga sakrash, 7x50  metrga yugurish,  “Yo-Yo” test sinovlari bo‘yicha normativlar topshirishmoqda. Darvozabonlar esa qo‘shimcha ravishda to‘pni belgilangan masofaga qo‘lda va oyoqda yetkazib berish bo‘yicha ham o‘z ko‘rsatkichlari yaxshilanib borayotganini namoyish etishlari talab etilmoqda. 

“Test-sinovlari mavsum avvalida futbolchilarning yangi chempionatga qanday tayyorgarlik ko‘rganini aniqlash, ularning jismoniy jihatdan to‘liq mavsum o‘tkazishga tayyorligiga ishonch xosil qilish maqsadida tashkil etilgan edi. Ana endi hozirda klublar yozgi ta’tilga yo‘l olishdi.  Ular mavsumning ilk qismini o‘tkazishdi. Har bir klubning jismoniy tayyorgarlik bo‘yicha murabbiyi o‘z qo‘l ostidagi futbolchilarning jismoniy jihatdan faqat o‘sishga erishishlarini nazorat qilib bormoqda. Ularning bu borada qanday ish olib borganini endi normativlar aniq ko‘rsatib beradi. Normativlar shartlari o‘zgarishsiz qoldi.  Faqatgina futbolchilarning sekin-asta formaga kirib borayotganini inobatga olib, ko‘rsatgichlar biroz kuchaytirildiki, endi o‘yinchilar qishdagidan ko‘ra biroz tezroq va yaxshiroq natijalar qayd etishi lozim bo‘ladi”, - dedi Shamil Iseev. 

PEPSI Superliga klublarining normativ topshirish muddatlari jadvali: