Argentina terma jamoasi bosh murabbiyi Xorxe Sampaoli JCH-2018da Nigeriya ustidan qozonilgan g‘alabadan so‘ng (2:1) fikrlarini bildirdi.

"Nigeriyada juda yaxshi futbolchilar yig‘ilgan. Musa, Mozes va boshqalar o‘yinnigina emas, musobqani o‘zgartirib yuborishlari mumkin.

Birinchi bo‘limda Nigeriyadan yaxshiroq o‘ynadik. Penaltidan so‘ng yana bezovtalana boshladik, yana bosimda qoldik. Biz yurakdan o‘ynadik. Biz inqilobchimiz.

Messi meni quchoqlaganda, o‘zimni baxtiyor his qildim. U o‘yinni hayajon bilan kuzatishimni biladi. U bo‘lajak har o‘yin haqida o‘ylashimni biladi. U mening kayfiyatim yaxshiligini biladi. U "Barselona"dagi oxirgi o‘yinlarini shaxsan kuzatganimni biladi. U bilan masadimiz bitta - Rossiyaga kelib, Argentina uchun muhim natiaga erishish ekanini biladi.

Messisi bor murabbiy uning atrofida kimlar bo‘lishi va unga qulaylik yaratish kerakligini biladi. Aks holda dunyodagi eng yaxshi o‘yinchiga ega bo‘la turib, hech narsa qila olmasligimiz mumkin. Boshqa futbolchilar foyda keltirishlari kerak", - deydi Sampaoli.