Аргентина терма жамоаси бош мураббийи Хорхе Сампаоли ЖЧ-2018да Нигерия устидан қозонилган ғалабадан сўнг (2:1) фикрларини билдирди.

"Нигерияда жуда яхши футболчилар йиғилган. Муса, Мозес ва бошқалар ўйиннигина эмас, мусобқани ўзгартириб юборишлари мумкин.

Биринчи бўлимда Нигериядан яхшироқ ўйнадик. Пенальтидан сўнг яна безовталана бошладик, яна босимда қолдик. Биз юракдан ўйнадик. Биз инқилобчимиз.

Месси мени қучоқлаганда, ўзимни бахтиёр ҳис қилдим. У ўйинни ҳаяжон билан кузатишимни билади. У бўлажак ҳар ўйин ҳақида ўйлашимни билади. У менинг кайфиятим яхшилигини билади. У "Барселона"даги охирги ўйинларини шахсан кузатганимни билади. У билан масадимиз битта - Россияга келиб, Аргентина учун муҳим натиага эришиш эканини билади.

Мессиси бор мураббий унинг атрофида кимлар бўлиши ва унга қулайлик яратиш кераклигини билади. Акс ҳолда дунёдаги энг яхши ўйинчига эга бўла туриб, ҳеч нарса қила олмаслигимиз мумкин. Бошқа футболчилар фойда келтиришлари керак", - дейди Сампаоли.