Argentina terma jamoasi sardori Lionel Messi JCH-2018 guruh bosqichining so‘nggi turida Nigeriya ustidan qozonilgan g‘alabadan so‘ng (2:1) fikrlarini bildirdi.
"Muvozanatli o‘yin bo‘ldi. Birinchi bo‘limda biz nazorat qildik. Goldan so‘ng ham vaziyatlar yaratishga harakat qildik. Ikkinchi bo‘limda penaltidan gol o‘tkazib yubordik va asabiylasha boshladik. Vaqt uchib borayotgandek tuyuldi. Biz yana hujum qila boshladik va birinchi bo‘limdan ko‘ra ko‘proq boism uyushtirdik. Natijada ikkinchi golni urdik.
Biz bugun haqiqitan azoblandik. O‘rtaga hamma narsa qo‘yilgandi. Roxoning golidan so‘ng yengil tortdik. Bu qiyin o‘yin bo‘ldi. Bungacha yaxshi o‘ynay olmayotgan edik. Maqsadimizga erishdik. Bunchalar azoblanamiz deb o‘ylamagan edik. Afsuski uda qiyin bo‘ldi, ammo buni yengib o‘tdik.
Fransiya? Ha, ularning o‘yinlarini ko‘rdim. Bu mundialda hamma o‘yinlarni ko‘ryapmiz. Fransiyada kuchli o‘yinchilar bor. "Barselona" orqali bir nechta o‘yinchilarni bilaman. Ularga qarshi nima qilishni bilaman. Va’da beraman, o‘yin Fransiya uchun oson bo‘lmaydi", - deydi Messi.
