AQSH prezidenti Donald Tramp Portugaliya prezidenti Marselo Rebelo de Soza bilan uchrashdi.

Davlat rahbarlari suhbat chog‘ida futbol mavzusiga ham to‘xtalib o‘tishdi va portugaliyaliklar hujumchisi Krishtianu Ronaldu o‘yinini muhokama qilishdi. Bunda Tramp Ronalduni Kristian deb atadi.

– Ronalduni buyuk futbolchi deyishadi. Aytingchi, u shu daraja yaxshimi? Undan hayratdamisiz? – deb so‘radi Tramp.

– Juda ham. U dunyoning eng yaxshi futbolchisi, – deb javob berdi de Soza.

Tramp: Kristian qachonlardir prezident bo‘lishi mumkinmi? U saylovda g‘olib chiqishi ham mumkin. Buni yaxshi bilasiz.

De Soza: Bilasizmi, sizga bir narsani aytaman. Portugaliya – AQSH emas.

Tramp: Ha, bu to‘g‘ri.

De Soza: Portugaliya sal boshqacharoq.