Rossiya yashil maydonlarida bo‘lib o‘tayotgan futbol bo‘yicha jahon chempionatining hal qiluvchi pallasiga yetib keldik. Guruh bosqichi yakuniga yetib, pley-off o‘yinlari boshlanish arafasida turibmiz.

Sayyoramizning eng kuchli 16ta terma jamoasi chempionlik uchun kurashni davom ettiradilar. Buyog‘iga hech kimning xato qilishga haqi yo‘q. Yutqazgan jamoa musobaqani tark etaveradi. Demak, alamli ko‘z yoshlar guvoh bo‘lamiz.

Nimchorak finalning dastlabki o‘yinida Lionel Messi boshliigidagi Argentina terma jamoasi Fransiyaga qarshi saf tortadi. "Albisileste" katta qiyinchilik evaziga guruhdan chiqdi. Bundan xabaringiz bor, albatta. "Uchranglilar" "C" guruhi g‘olibiga aylanishdi, ammo Desham jaomasi hali o‘zining yorqin o‘yinini namoyish qilganicha yo‘q. Xo‘sh, kim favorit? Bu savolga aniq javob bera oladigan muxlisni topish qiyin bo‘lsa kerak. Imkoniyatlar — 50/50. Fransiya - Argentina o‘yini Toshkent vaqti bilan 19:00da boshlanadi. Uchrashuv Qozon shahrida stadionda bo‘lib o‘tadi. Uchrashuvning eronlik hakam Alirizo Fag‘oniy boshqarib boradi.

Kunning ikkinchi o‘yini Krishtianu Ronaldu ishtirokida bo‘ladi. Portugaliya terma jamoasi "A" guruhi g‘olibi — Urugvay bilan bahs olib boradi. Bu yerda ham imkoniyatlar deyarli teng. Ronaldu JCH-2018 to‘purarlar poygasida 2-pog‘onada bormoqda. Krshtianu 2018 yilda ham "Oltin to‘p"ni o‘ziniki qilib olish uchun bugungi o‘yinda gol urishi va Portugaliya keyingi bosqichga chiqishi talab etiladi. Bunga urugvayliklar rozi bo‘lisharmikan? Ko‘ramiz. O‘yin Toshkent vaqti bilan 23:00da start oladi. Sochi shahrida o‘tadigan uchrashuvni meksikalik hakam boshqarib boradi.

E’tiborli tomoni, ushbu juftliklar g‘oliblari chorak finalda o‘zaro to‘qnash kelishadi. Demak, 1/4 finalda Messi - Ronaldu to‘qnashuviga guvoh bo‘lishimiz mumkin.

JCH-2018. Nimchorak final
Qozon. "Kazan Arena". 19:00
FRANSIYA - ARGENTINA
Bosh hakam: Alirizo Fag‘oniy (Eron)

Sochi. "Fisht olimpiya". 23:00
URUGVAY PORTUGALIYA
Bosh hakam: Sezar Arturo Ramos (Meksika)