Belarus poytaxti Minskda yozgi o‘quv-mashg‘ulot yig‘inini o‘tkazayotgan Toshkentning “Lokomotiv” klubi navbatdagi sinov-nazorat bahsida maydonga tushdi.
“Temiryo‘lchilar”ning navbatdagi raqibi – Armanistonning “Banans” jamoasi bo‘ldi. Qiziqarli tarzda kechgan o‘yinda durang qayd etildi – 2:2.
“Lokomotiv” safida Islom To‘xtaxo‘jayev hamda Farhod Bekmurotov raqib darvozasini ishg‘ol etishga muvaffaq bo‘lishdi.
Ta’kidlash joiz, "Lokomotiv" keyingi uchrashuvni Rossiyaning Kaliningrad shahri vakili – "Baltika" klubiga qarshi o‘tkazadi. Uchrashuv ertaga, 1 iyul kuni o‘tkaziladi.
