Fransiya terma jamoasi yarim himoyachisi Pol Pogba Argentinaga qarshi o‘yindan so‘ng fikrlarini bildirib o‘tdi.

“Argentina yulduzli tarkibdan tashkil topgan ajoyib terma jamoa. Ular ko‘plab xavfli vaziyatlarni yaratishdi va ohirigacha uslublariga sodiq qolishdi. Balki, ularga harakatchanlik va tezlik yetishmagandir.

Messi – futbol yulduzi. U men uchun, har doim dunyoning eng kuchli futbolchilaridan biri bo‘lib qolaveradi. Hisob 2:1 bo‘lganida mag‘lub bo‘ldik deb o‘ylamadim.

Umid har doim ohirida o‘ladi. Bu futbol, hamma narsa so‘ngi daqiqalarda g‘alabani ilib ketish mumkin. Asosiysi yaxshi o‘ynash va raqibga hurmat bilan qarash.

Jamoadoshlarim matonatli ekanliklarini yana bir bor isbotlashdi. Keyingi maqsadimiz kelasi o‘yinda g‘alaba qozonish. Doimo, oldinga harakat qilish kerak. Har qanday jamoada ham ustunlik taraflari bo‘ladi. Terma jamoalarni solishtirib bo‘lmaydi”, - deydi Pogba.