Xabar berib o‘tganimizdek, yengil atletika bo‘yicha Bangkok shahrida bo‘lib o‘tayotgan yoshlar o‘rtasidagi Osiyo chempionatida hamyurtimiz Rigina Adashboyeva Buenos-Ayres Olimpiadasiga yo‘llanma qo‘lga kiritgandi.
E’tiborga molik tomoni shundaki, o‘smirlarimiz 2014 yili Nankin (Xitoy) shahrida bo‘lib o‘tgan II o‘smirlar Olimpiya o‘yinlariga yengil atletika bo‘yicha umuman lisenziya qo‘lga kirita olmagandilar. Bugun Rigina Adashboyeva sakkiz yillik nohush an’anaga barham berdi va bosqon uloqtirish bahslarida delegasiyamiz hisobiga navbatdagi lisenziyani qo‘shib qo‘ydi.
Umid qilamizki bu yengil atletikachilarimizdan tomonidan Buenos-Ayres Olimpiadasi uchun qo‘lga kiritilgan so‘nggi yo‘llanma emas. Bangkokdagi Osiyo chempionati davomida hali yana bir qator sportchilarimiz lisenziya egasiga aylanishlari kutilmoqda.
Milliy olimpiya qo‘mitasi bu yo‘lda sportchilarimizga omad tilaydi va Tailanddan xushxabarlar kutib qoladi.
