O‘zbekiston futbol assosiasiyasi 1-vise Prezidenti va Markaziy Osiyo futbol assosiasiyasi Prezidenti Umid Ahmadjonovning tashabbusi bilan joriy yilning 3-10 iyul kunlari poytahtimizda “CAFA U-16 championship” musobaqaqasi bo‘lib o‘tishi haqida avval xabar berib o‘tgandik.
Musobaqa davomida Markaziy Osiyodagi kamida "V" toifaga ega murabbiylar uchun o‘quv kurslari ham tashkil etilmoqda. Bugun poytaxtimizdagi "City Palace" mehmonxonasida seminarga start berildi.
Bu o‘quv kurslarida Markaziy Osiyo futbol assosiasiyasiga a’zo mamlakatlarning 2 nafardan vakili hamda o‘zbekistonlik murabbiylar ishtirok etishmoqda. O‘quv kurslarini OFK instruktori Islom Ahmedov va OFK texnik qo‘mitasi a’zosi Shovkat Imamovlar olib borishyapti.
O‘quv kurslari davomida ishtirokchilar bilan nazariy va amaliy mashg‘ulotlar o‘tkaziladi.














