Bugun, 7 iyul sanasida futbol bo‘yicha Rossiyada bo‘lib o‘tayotgan Jahon Chempionatining 1/4 final bahslari yakuniga yetadi. Kun taqvimidan 2 uchrashuv o‘rin olgandi.

Kunning dastlabki o‘yini nimchorak finalda Shveysariya hamda Kolumbiyani qoldirib ketgan Shvesiya va Angliya terma jamoalari o‘rtasida kechdi.

Uchrashuvda hisob 30-daqiqada Harri Maguayr tomonidan ochildi. Birinchi bo‘lim Angliyaning 1:0 hisobidagi g‘alabasi bilan yakunlandi.

Ikkinchi bo‘limning 59-daqiqasida Jessi Lingardning uzatmasini Dele Alli Shvesiya darvozasiga joylab qo‘ydi va hisobni 2:0 ko‘rinishiga keltirib qo‘ydi.

Bellashuv shu tariqa Angliyaning g‘alabasi bilan yakunlandi. Inglizlar bugun Rossiya—Xorvatiya bahsidan so‘ng yarim finaldagi raqibini bilib oladi.

Jahon Chempionati

1/4 final bellashuvlari

7 iyul, shanba

Shvesiya—Angliya 0:2

Gollar: 0:1—30 Maguayr, 0:2—59 Alli.

Shvesiya: Olsen, Lindelef, Augustinsson, Kraft (YAnsson, 85), Grankvist, Larsson, Klasson, Ekdal, Forsberg (Olsson, 65), Toyvonen (Gvidetti, 65), Berg.

Angliya: Pikford, Uoker, Stounz, Yang, Maguayr, Alli (Delf, 77), Lingard, Sterling (Reshford, 90), Henderson (Dayer, 85), Trippyer, Keyn.

Ogohlantirishlar: Maguayr (87), Gvidetti (88), Larsson (90+5).