Bugun “So‘g‘diyona” sport majmuasi zalida “So‘g‘diyona” futzal jamoasi o‘z maydonida o‘zbek futzal yulduzlaridan tashkil topgan O‘zbekiston terma jamoasini qabul qildi.

So‘zsiz Jizzaxlik muxlislar bundan juda xursand bo‘ldi va natijada zalda bo‘sh o‘rindiqlar qolmadi. Uchrashuvni tomosha qilish uchun kelgan ko‘plab muxlislar qiziqarli va gollarga boy o‘yinning guvohiga aylanishdi. Bugungi bahsda “So‘g‘diyona” futzal jamoasi a’zosi Dilshod Rahmatov O‘zbekiston terma jamoasi safida harakat qildi. Jami 11 ta gol kiritilgan o‘yin 6:5 hisobida O‘zbekiston yulduzlari terma jamoasi g‘alabasi bilan yakunlandi.

“So‘g‘diyona” - O‘zbekiston terma jamoasi 5:6
Gollar: Shuxrat Suyarqulov, Sirojiddin Shokirov, Ilxom Xamroyev ,Otamurod Jumanov, Botir Rizayev, Javlon Anorov, Davron Choriyev (3 ta), Farhod Abdumavlonov (2 ta).
"So‘g‘diyona" (birinchi beshlik): Oybek Akmalov, Otamurod Jumanov, Shuhrat Suyarqulov, Eldor Meliyev, Sirojiddin Shokirov
Zaxira tarkib: DoniyorTohirov, Ilhom Hamroyev, Sohib Narzullayev, Firdavs Ravshanov, Shohjahon Shoxnazarov, Dilmurod Jumanov, Botir Rizayev, Fayoz Jo‘raboyev.

O‘zbekiston futzal yulduzlari jamoasi (birinchi beshlik): Rustam Umarov, Shuhrat Tojiboyev, Javlon Anorov, Dilshod Rahmatov, Farhod Abdumavlonov.
Zaxira tarkibi: Jamol Sharipov, Konstantin Sviridov, Davron Choriyev, Maxsud Fayzullayev.

Shu o‘rinda yana bir ma’lumot. “So‘g‘diyona” futzal jamoasi murabbiylari tarkibni kuchaytirish borasida ish olib bormoqda. Jamoa tarkibiga Dilshod Rahmatov, Ilhom Hamroyev, Sohib Narzullayev, Firdavs Ravshanov kabi tajribali futbolchilar taklif etildi.