"Paxtakor" bosh murabbiyi uchrashuvdan keyin o‘yin xususida fikrlarini bildirib o‘tdi.
“Tanaffusdan keyin boshlash hamisha qiyin. Bir oycha rasmiy o‘yinda maydonga tushmadik. Yana avvalgi sur’atga qaytishimiz talab etiladi. Issiqda futbol o‘ynash qiyin, futbolchilar yuqori tezlikda harakat qilmaydi. Biz uchrashuvda nazoratni qo‘lga oldik. Birinchi bo‘limda vaziyatlardan foydalanib, o‘yinni tugatish imkoniyatiga ega edik. Ammo "Buxoro" ham yaxshi jamoa, ular himoyada kam xato qilishadi.
G‘alabani yaxshi start deb hisoblayman. Oldimizda tig‘iz taqvim turibdi. Tarkibni yaxshi kuchaytardik, bu bizga rotasiyani amalga oshirishga imkon beradi. Hali qiyin raqiblar bilan o‘yinlar kutmoqda. Hech bir uchrashuvni yengil kechadi deb bo‘lmaydi”, - deydi Arveladze.
