"Paxtakor" yarim himoyachisi "Buxoro" bilan kechgan bellashuv haqida fikrlarini aytib o‘tdi.
- Uchrashuv qiyin kechishini bilardik. Birinchi davrada safarda "Buxoro"ga imkoniyatni boy bergandik. O‘shanda ko‘plab vaziyatlarni ko‘kka sovurgandik. Penaltidan gol ura olmagandik.
Bu safar esa penaltidan foydalanmaganimiz kayfiyatga ta’sir ko‘rsatmadi. O‘yin ustunligimiz ostida kechdi. Natija bellashuvga mos bo‘ldi deb o‘ylayman.
Bunday havoda o‘ynash oson bo‘lmadi. Birinchi bo‘limda bu yaqqol sezildi, ammo g‘alaba uchun bor kuchimizni berdik.
