Kechagi uchrashuvda chiroyli gol muallifiga aylangan braziliyalik futbolchi o‘yin va goli xususida fikrlarini bildirdi.

- Bu jamoaga qarshi o‘ynash oson emas. Ular himoyada yaxshi harakat qilishadi. Shunga qaramay, ko‘plab vaziyatlarni yuzaga keltirdik. Birinchi bo‘limdayoq o‘yin taqdirini hal etishimiz mumkin edi. Raqibda birgina imkoniyat bo‘ldi. Ikkinchi bo‘limda esa to‘pni xotirjam nazorat qilishga intildik. Yakunda oradagi farqni oshirishga erishdik. Tanaffusdan keyin bugungi o‘yinda g‘alaba juda muhim edi.

Gol urishimdan bir oz avval jarimadan zarba yo‘lladim, biroq o‘shanda mo‘ljaldan adashgandim. Ikkinchi safar esa yuqori burchakni aniq nishonga oldim. "Paxtakor" uchun jarima zarbasidan birinchi golimni urdim va bundan xursandman.

Mavsumning qizg‘in pallasi hali oldinda. Xotirjamlikka berilmasdan mehnat qilishda davom etishimiz lozim.