Italiyaning “Yuventus” klubi futbolchisiga aylangan Krishtianu Ronaldu “Real” muxlislariga xayrlashuv maktubini yozdi.

“Real” va Madrid shahrida o‘tgan yillarim hayotimning eng baxtli onlari bo‘ldi. Jamoa va shahar ahliga alohida tashakkur bildiraman. Menga bildirilgan mehr va ishonch uchun barchaga rahmat!.

Hayotimda yangi bosqichga o‘tish vaqti kelgan edi. Aynan, shuning uchun rahbarlardan meni qo‘yib yuborishlarini so‘radim. Muxlislar meni tushunishlarini istar edim.

9 yil davomida muxlislar meni qo‘llab kelishdi. 9 yil ajoyib lahzalar bilan o‘tdi. “Real”da ajoyib do‘stlarim bor edi. Biz ular bilan ketma-ket 3 marta chempionlar ligasida g‘olib chiqdik. Aynan do‘stlarim tufayli 4 ta “Oltin to‘p” va 3 ta “Oltin butsa” sohibi bo‘ldim. Shu davr mobaynida men katta va buyuk jamoa futbolchisi bo‘ldim.

“Real Madrid” nafaqat ko‘nglim va oila a’zolarimning yuragidan joy oldi. Shuning uchun butun jamoa, prezident, direktorlar, jamoadoshlarim, shifokorlar va barcha ishchilarga minnatdorchilik bildiraman.

Ko‘p o‘yladim va yangi bosqichga o‘tish vaqti keldi degan qarorda to‘xtadim. Ha, men ketyapman, lekin klub libosi, ramzi, “Santyago Bernabeu” qayerda bo‘lmay doimo yodimda bo‘ladi. Hammaga rahmat, 9 yil oldin aytganimdek yana “Hala Madrid” deb baralla aytaman”.

Ma’lumot o‘rnida, Krishtian Ronaldu “Yuventus” bilan 4 yillik shartnomaga imzo chekdi. Uning yillik maoshi 31 million yevroni tashkil qiladi.

Portugaliyalik futbolchi “Real”ga 2009 yil “Manchester Yunayted”dan o‘tgan edi va shuncha vaqt mobaynida 438 ta uchrashuvda maydonga tushib, 451 ta gol urgan.