JCH-2018 yarimfinalida Xovatiya Angliyani 2:1 hiobida mag‘lub etdi. Ikkinchi ekstra-taymda xorvatiyalik Mario Manjukich g‘alaba to‘pini kiritdi.
Golni nishonlagan xorvatlar maydon burchagidan fotomuxbirni yerga qulatdilar.
Fotomuxbir Yuri Alberto Kortes Avalos Salvadorda tug‘ilgan, hozir Meksikada ishlamoqda. U AFP (Agence France-Presse) agentligini fotomuxbiri.
"Goldan so‘ng Manjukich va butun jamoa men tomon kela boshladi. Men eng burchakda o‘tirgandim, ular yaqinlashgach, kengroq ob’ektivli kameramni qo‘lga oldim. Suratga oldim, ular to‘tamadailar va meni yiqitdilar.
Shunda ham suratga olishni to‘xtatmadim. Ular ham ob’ektivimga qarab suratga tushishdan to‘xtamadilar, yigitlar hech narsani sindirmadilar. Bunaqasi men bilan birinchi marta sodir bo‘ldi.
Ular tinchlangach, meni turg‘azishdi va juda mehribonlik ko‘rsatishdi. Hatto o‘pib qo‘yishdi. Umid qilamanki, Xovatiya chempion bo‘ladi va meni nishonlaydigan kechalariga taklif qilishadi.
Afsuski, finalga qola olmayman. Bumening oxirgi o‘yinim edi, hoziroq samolyot bilan uyimga qaytaman. Hissiyotlar juda zo‘r bo‘ldi", - deydi fotomuxbir.
