FIFA futbolchilarning jahon chempionatidagi ishtiroki uchun klublari pul to‘laydi. Tonka Communications kompaniyasi qaysi jamoa qancha mablag‘ olishini hisoblab chiqdi.

FIFA 180 million yevroga yaqin mablag‘ni klublar o‘rtasida taqsimlaydi. Bir futbolchining musobaqada o‘tkazgan har bir kuni uchun 7236 yevro to‘lab beriladi. Bunda futbolchining maydonga tushgan yoki tushmaganligi inobatga olinmaydi.

Eng ko‘p mablag‘ni "Manchester Siti" klubi ega bo‘ladi. "Shaharliklar" 4 million yevrodan ko‘proq pulni qo‘lga kiritishadi. Reytingda ikkinchi pog‘onani "Real" egallab turgan bo‘lsa, "Chelsi" kuchli uchlikka kirdi.

Futbolchilarining JCH-2018dagi ishtiroki uchun FIFAdan eng ko‘p mablag‘ oladigan klublar (Top-10)

1. «Manchester Siti» – 4 417 500 yevro
2. «Real» – 4 316 800 yevro
3. «Chelsi» – 3 964 600 yevro
4. «Tottenxem» – 3 843 100 yevro
5. «Barselona» – 3 658 900 yevro
6. «PSJ» – 3 610 100 yevro
7. «Manchester Yunayted» – 3 348 800 yevro
8. «Monako» – 3 002 900 yevro
9. «Atletiko» – 2 671 900 yevro
10. «Yuventus» – 2 489 500 yevro.