Rio-2016 Olimpiadasi sovrindori Shahram G‘iyosov professional boksdagi navbatdagi jangini 14 iyul (O‘zbekistonda 15 iyul tongda) kuni o‘tkazadi. Hamyurtimizga uchinchi jangida meksikalik bokschi Daniel Echeverriya raqiblik qiladi.

Ertangi jang oldidan har ikki bokschi an’anaga ko‘ra, ko‘z jangi urushtirishdi va unda Shahram raqibini ringga chiqmasdan oldin deyarli mag‘lub etib bo‘ldi.

Ma’lumot uchun, meksikalik 26 yoshli bokschi faoliyatini 2012 yilda boshlagan. Echeverriya prof ringda shu kungacha 24 ta jang o‘tkazgan va ularning 19 tasida g‘alaba qozongan (17 tasi nokaut bilan). 5 ta jangda esa mag‘lubiyatga uchragan (2 tasi nokaut).

Shahram G‘iyosov esa ikkita jang o‘tkazgan va ularning har ikkisida ham muddatidan oldin g‘alaba qozongan. Janglarning birida u raqibini nokautga uchratgan.