JCH-2018 musobaqasida 3-o‘rin uchun uchrashuv nihoyasiga yetdi. Uchrashuvda Belgiya terma jamoasi Angliya ustidan 2:0 hisobida g‘alaba qozondi va bronza medal sohibi bo‘ldi.
Uchrashuv debyutidayoq belgiyaliklar hisobni ochishdi. Lukaku maydon markazida to‘pni qabul qilib, o‘ng qanotdan oldinga o‘tayotgan Shodliga uzatma berdi. Nosirning pasidan keyin himoyachilarni ortda qoldirgan Toma Myonye darvozani ishg‘ol qildi.
Belgiya goldan so‘ng ham hujum qilishni to‘xtatmadi. 11-daqiqada yana bir xavfli hujum uyushtirildi. Lukaku jarima maydonchasi tashqarisida to‘pni qabul qilib, chap qanotdan ichkariga kirgan de Bryoynega pas berdi. To‘p himoyachidan o‘tib ketdi va to‘pni egallagan Kevin zarba berdi. Rekoshet holatida borgan zarbani Pikford qiyinchilik bilan qaytarib qoldi.
Inglizlar ham xavfli vaziyatlarga javob berib turdi. Burchakdan yetkazilgan uzatmaga Maguayr bosh bilan aniq zarba berdi. Kurtua to‘pni egallab oldi. Keyinroq Sterlingdan to‘pni qabul qilib olgan Xarri Keyning zarbasiga ozgina aniqlik yetishmadi.
55-daqiqada Angdiya hisobni tenglashtirishi mumkin edi. Dayer Reshford bilan "devor" o‘ynab olib, jarima maydonchasiga kirdi hamda yakkama-yakka vaziyatda to‘pni Kurtuaning ustidan oshirib qo‘ydi. Qayerdandir yetib kelgan Arderveyreld chiziq ustida to‘pni qaytarib qoldi!
82-daqiqada Eden Azar o‘yindagi ikkinchi, JCHdagi uchinchi golini urdi. "Chelsi" yarim himoyachisi de Bryoynening uzatmasidan keyin darvozabon bilan yakkama-yakka vaziyatga chiqib ketdi va o‘z imkoniyatidan samarali foydalandi. Shundan so‘ng inglizlar taqdirga tan bergandek o‘ynadilar.
Uchrashuvda boshqa gol kiritilmadi va Belgiya terma jamoasi JCH-2018 musobaqasini 3-o‘rin bilan tugatdi.
JCH-2018
3-o‘rin uchun o‘yin
Belgiya – Angliya 2:0 (1:0, 1:0)
Gollar: 1:0 – 4 MenYE, 2:0 – 82 Azar.
Belgiya – Kurtua, Alderveyreld, Kompani, Vertongen, MenYE, Tilemans (Dembele, 78), Vitsel, Shodli (Vermalen, 39), de Bryuyne, Azar, Lukaku (Mertens, 60).
Angliya – Pikford, Jons, Stounz, Maguayr, Dayer, Trippyer, Rouz (Lingard, 46), Loftus-CHik (Alli, 84), Delf, Keyn, Sterling (Reshford, 46).
Ogohlantirishlar: Stounz (52), Maguayr (76), Vitsel (90).
