Yurtimizdagi bolajonlar yozgi ta’tilni maroqli va mazmunli o‘tkazishlarini ta’minlash maqsadida O‘zbekiston futbol Assosiasiyasi O‘zbekiston kasaba uyushmalari Federasiyasi bilan hamkorlikda har bir viloyatda futbol festivallarini tashkil etishga qaror qilgani haqida avval xabar berib o‘tgandik.
“Yoz o‘tmoqda soz” shiori ostidagi mini futbol musobaqalari bu safar Jizzax viloyatida joylashgan "Zomin Sunrise" oromgohida 10-12 yoshli bolalar o‘rtasida bo‘lib o‘tdi.
"Zomin Sunrise" oromgohida bo‘lib o‘tgan musobaqada “Sh.Rashidov”, “Zomin Sunrise”, “Amir Temur” oromgohlaridan jami 6ta jamoalar ishtirok etishdi. Shundan 1-2-o‘rini “Zomin Sunrise” 3-4 o‘rini “Sh.Rashidov” va “Amir Temur” oromgohlari egalashdi.
