Юртимиздаги болажонлар ёзги таътилни мароқли ва мазмунли ўтказишларини таъминлаш мақсадида Ўзбекистон футбол Ассоциацияси Ўзбекистон касаба уюшмалари Федерацияси билан ҳамкорликда ҳар бир вилоятда футбол фестивалларини ташкил этишга қарор қилгани ҳақида аввал хабар бериб ўтгандик.
“Ёз ўтмоқда соз” шиори остидаги мини футбол мусобақалари бу сафар Жиззах вилоятида жойлашган "Zomin Sunrise" оромгоҳида 10-12 ёшли болалар ўртасида бўлиб ўтди.
"Zomin Sunrise" оромгоҳида бўлиб ўтган мусобақада “Sh.Rashidov”, “Zomin Sunrise”, “Amir Temur” оромгоҳларидан жами 6та жамоалар иштирок этишди. Шундан 1-2-ўрини “Zomin Sunrise” 3-4 ўрини “Sh.Rashidov” ва “Amir Temur” оромгоҳлари эгалашди.
