Bugun Superliganing 17-tur uchrashuvlariga start beriladi. Bu turda "Nasaf" “Lokomotiv” jamoasi bilan kuch sinashadi. Uchrashuv “Lokomotiv” stadionida soat 21:00da boshlanadi.

Superliga, 17-tur

“LOKOMOTIV” - “NASAF”

18.07.2018. “Lokomotiv” stadioni. 21:00da

Bosh hakam: Ahrol Risqullayev (Toshkent)

Qanot hakamlari: Doniyor Saylavov (Toshkent), Rishat Nu’monov (Toshkent)

Zaxira hakami: Dmitriy Klepikov (Toshkent)

Nazoratchi: Sardor Najafaliyev (Toshkent)

Uchrashuv komissari: Aleksandr Davidenko.

“Lokomotiv” va “Nasaf” jamoalari milliy chempionatimizda shu paytgacha 27 marta to‘qnash kelishgan. O‘tgan uchrashuvlarning 14 tasida jamoamiz g‘alaba qozongan. 5 uchrashuvda murosa ko‘chasi tanlangan. Qolgan 8 uchrashuvda “Lokomotiv”ning qo‘li baland kelgan. To‘plar nisbati bo‘yicha kichik ustunlik "Nasaf" tomonida 28-39.

Mazkur jamoalar Toshkentda shu paytgacha 13 marta o‘zaro kuch sinashganlar. Bu uchrashuvlarning 4tasida qarshiliklar g‘alaba qozongan, 5 uchrashuvda “Lokomotiv”ning qo‘li baland kelgan, qolgan 4 uchrashuvda durangga imzo chekilgan. Toshkentdagi o‘zaro uchrashuvlarda jami darvozalarga 23ta to‘p kiritilgan, to‘plar nisbati bo‘yicha kichik ustunlik “Lokomotiv” tomonida - 12-11.

“Nasaf” so‘nggi bor “Lokomotiv”ni Toshkentda 2012 yili kichik 1:0 hisobida mag‘lubiyatga uchratgan. 2014 yili esa 1:1 hisobida durangga erishgan.

Bugun “ajdarlar” milliy chempionatimizdagi 635-uchrashuvni o‘tkazishadi.