Osiyo shaxmat federasiyalari – Janubiy Koreya, Vyetnam, Mug‘uliston, Tayland, Bangladesh, Falastin, Afg‘oniston, Nepal, Laos, Iordaniya, Myanma, Tojikiston, Turkmaniston rahbarlari Respublika ixtisoslashgan bolalar-o‘smirlar shaxmat maktabiga tashrif buyurdi.
Mehmonlar Xalqaro shaxmat federasiyasi (FIDE) prezidenti Kirsan Ilyumjinov hamda Rossiya shaxmat federasiyasi vasiylik kengashi a’zosi Arkadiy Dvorkovich hamrohligida keldi.
Shaxmat mutasaddilari maktab hayoti bilan yaqindan tanishib, o‘quvchilar bilan muloqotda bo‘ldi. Shuningdek, bolalar ishtirokida dona surishga ham ulgurishdi.
Muloqot chog‘ida FIDE prezidentligiga o‘z nomzodini ilgari surgan Arkadiy Dvorkovich o‘z dasturini ma’lum qildi.
Xalqaro shaxmat federasiyasi prezidentligiga saylov joriy yilning 3 oktyabrida Batumida o‘tkazilishi rejalashtirilayotgan FIDE kongressida bo‘lib o‘tadi.
