Осиё шахмат федерациялари – Жанубий Корея, Вьетнам, Муғулистон, Тайланд, Бангладеш, Фаластин, Афғонистон, Непал, Лаос, Иордания, Мьянма, Тожикистон, Туркманистон раҳбарлари Республика ихтисослашган болалар-ўсмирлар шахмат мактабига ташриф буюрди.
Меҳмонлар Халқаро шахмат федерацияси (FIDE) президенти Кирсан Илюмжинов ҳамда Россия шахмат федерацияси васийлик кенгаши аъзоси Аркадий Дворкович ҳамроҳлигида келди.
Шахмат мутасаддилари мактаб ҳаёти билан яқиндан танишиб, ўқувчилар билан мулоқотда бўлди. Шунингдек, болалар иштирокида дона суришга ҳам улгуришди.
Мулоқот чоғида FIDE президентлигига ўз номзодини илгари сурган Аркадий Дворкович ўз дастурини маълум қилди.
Халқаро шахмат федерацияси президентлигига сайлов жорий йилнинг 3 октябрида Батумида ўтказилиши режалаштирилаётган FIDE конгрессида бўлиб ўтади.
