“Forbes” jurnali 2017 yilda  o‘z yo‘nalishida eng ko‘p pul topgan san’atkor, sportchi va teleyulduzlarning reytingini e’lon qildi.
 
Unga ko‘ra, taniqli bokschi Floyd Meyveyzer hammadan ko‘ra ko‘proq mablag‘ jamg‘argani ma’lum bo‘ldi.
 
Demak, ro‘yxatga ko‘z yugurtiramiz.
 
1. Floyd Meyvezer – 285 million dollar.
 
2017 yilda Konor Mak-Gregorga qarshi ringga ko‘tarilgan Meyveyzer yana bir bor chempionlik kamarini himoya qilib, o‘rtaga tikilgan pulning yarmidan ko‘prog‘ini olishga erishdi. O‘sha jangning mukofot jamg‘armasini tashkilotchilar 550 million dollar miqdorida belgilashgandi. Shuning 285 millioni Floydning kissasiga tushgan.
 
2. Jorj Kluni – 239 million dollar
 
Aktyor, rejissyor, prodyuser va biznesmen. U aynan oxirgi yo‘nalishda  boyligini ancha ko‘paytirib olgan. Tekila ishlab chiqaruvchi maxsus – Kasamigos firmasi bor.  Ammo san’ati ortidan topish-tutishi ham chakkimas. “Tez yordam” serialidagi roli uchun katta miqdorda gonora olgan.
 
3. Kayli Jenner – 166,5 million dollar.
 
20 yoshli modelning asosiy boyligi kosmetika sanoatida yetakchilikni qo‘lga olgani bilan izohlash mumkin. Biroq teleshoularda boshlovchilik qilishi uning mahsulotlariga bo‘lgan talabni orttirib yuborgan.
 
Futbol olamining ikki yulduzi Lionel Messi va Krishtianu Ronaldu bor-yo‘g‘i 8 va 10-o‘rinlarga joylashdi. “Barselona” bilan 2017 yilda shartnomasni yangilagan argentinalik hujumchi o‘tgan yilda 111 million dollar ishlab topgan. Adidas bilan umr bo‘yi shartnoma imzolagan Messining boyligi bu yildan boshlab yanada oshishi muqarrar. Chunki uning yana Gatorade, Pepsi, Ooredoo, Huawei  Hawkers kabi brendlar bilan ham moliyaviy holatini yaxshilaydigan shartnomalari bor. “Real”dan “Yuventus”ga o‘tgan Ronaldu esa o‘tgan yili 108 million dollar ishlab topdi. Ammo u ham Nike bilan umrining oxiriga qadar shartnoma tuzdi. Shartnomaning qiymati 1 milldiard dollar.