"Navbahor" — "So‘g‘diyona" uchrashuvidan so‘ng jizzaxliklar bosh murabbiyi Sergey Lushchan quyidagicha fikr bildirdi. Bu haqda PFL matbuot xizmati xabar bermoqda.
""Navbahor" o‘zi yuzaga keltirgan qulay vaziyatlardan foydalana oldi. Biz esa gol kirita olmadik. Men sekin-asta yangi jamoa shakllantiryapman. Shu boisdan ba’zan o‘yinimiz yaxshi chiqyapti, ba’zida esa o‘yinimiz qovushayotgani yo‘q. Buning uchun yigitlarga e’tirozim yo‘q. Bugun ham umuman olganda yomon harakat qilmadik. Faqat gol kiritish bobida omadimiz kelmadi", - deydi Lushchan.
