19 iyul kuni Superliganing 17-tur doirasida Namanganning “Navbahor” klubi o‘z maydonida Jizzaxning “Sug‘diyona” jamoasini qabul qildi.
Esingizda bo‘lsa, Jizzaxda bo‘lib o‘tgan 1-davradagi 6-tur doirasidagi o‘yinda “Navbahor” 2:0 hisobida oldinda borayotib, yakunda 2:3 hisobida alamli tarzda mag‘lubiyatga uchragandi.
Ammo bu safar Ilhom Mo‘minjonov shogirdlari o‘sha mag‘lubiyat alamini oldilar. Bahs 2:0 hisobida yakunlandi.
Shu tariqa, “Navbahor” o‘z hisobiga navbatdagi 3 ochkoni yozib qo‘ydi va turnir jadvalida 3-pog‘onaga ko‘tarildi.
Umuman olganda, uchrashuv ancha qiziqarli va shiddatli tarzda kechib, muxlislarda ancha yaxshi taassurot qoldirdi.
Mazkur videoda ushbu uchrashuvdagi gollar, xavfli vaziyatlar va o‘yin vaqtidagi ehtiroslarni ko‘rishimiz mumkin.
“Navbahor” – “So‘g‘diyona” – 2:0 (2:0)
Gollar: D.Stanoyevich (41), S.Sulaymonov (45+1).
