19 июль куни Суперлиганинг 17-тур доирасида Наманганнинг “Навбаҳор” клуби ўз майдонида Жиззахнинг “Суғдиёна” жамоасини қабул қилди.

Эсингизда бўлса, Жиззахда бўлиб ўтган 1-даврадаги 6-тур доирасидаги ўйинда “Навбаҳор” 2:0 ҳисобида олдинда бораётиб, якунда 2:3 ҳисобида аламли тарзда мағлубиятга учраганди.

Аммо бу сафар Илҳом Мўминжонов шогирдлари ўша мағлубият аламини олдилар. Баҳс 2:0 ҳисобида якунланди.

Шу тариқа, “Навбаҳор” ўз ҳисобига навбатдаги 3 очкони ёзиб қўйди ва турнир жадвалида 3-поғонага кўтарилди.

Умуман олганда, учрашув анча қизиқарли ва шиддатли тарзда кечиб, мухлисларда анча яхши таассурот қолдирди.

Мазкур видеода ушбу учрашувдаги голлар, хавфли вазиятлар ва ўйин вақтидаги эҳтиросларни кўришимиз мумкин.

“Навбаҳор” – “Сўғдиёна” – 2:0 (2:0)

Голлар: Д.Станоевич (41), С.Сулаймонов (45+1).