Hozirgina Qarshidagi “Markaziy” stadionda Pepsi superliganing 18-turidan o‘rin olgan "Nasaf" - “Qo‘qon-1912” o‘yinidan oldingi yig‘ilish bo‘lib o‘tdi.
Yig‘ilishda har ikki jamoa vakillari va uchrashuv komissari R Chernikov hamda hakamlar nazoratchisi M Ismoilovlar ishtirok etishdi. Yig‘ilishda o‘yindagi tashkiliy masalalar ko‘rib chiqildi. Ertaga bo‘ladigan uchrashuvda jamoalar qanday rangdagi liboslarda maydonga tushishlari borasida kelishib olindi.
Unga ko‘ra, ertangi bahsda mehmonlar “Qo‘qon-1912” jamoasi oq rangli formalarda, darvozabon qizil-qora libosda maydonga tushadi. Mezbonlar “Nasaf” futbolchilari esa qizil rangli liboslarda maydonga tushadigan bo‘lishdi.
