24-30 iyul kunlari Bolgariyaning Plovdiv shahrida baydarka va kanoeda eshkak eshish bo‘yicha 23 yoshgacha bo‘lgan sportchilar o‘rtasida jahon chempionati bo‘lib o‘tadi.

Musobaqada o‘zbekistonlik sportchilar ham ishtirok etadilar. Chempionat davomida terma jamoamiz sharafini Artur Guleev, Elyorjon Mamadaliyev, Dilnoza Rahmatova, Nilufar Zokirova, Yuliya Soy, Natalya Kazanseva, Shoxruxbek A’zamov, Shaxriyor Mahkamov, Javoxir Nurmatov, German Arnold, Sunnat Tojiyev, Gulbahor Fayziyeva, Islomjon Abdusalomov, Sherzod Hakimjonov, Denis Onufriyev, Suxnatillo Inogamov kabi sportchilar himoya qilishadi.

Ular musobaqada murabbiylar Rustam Mirzadiyorov, Vyacheslav Sergeev, Rashid Musayev hamda Yekaterina Zarkovalar qo‘l ostida ishtirok etishadi.

Qayd etib o‘tish lozimki, mazkur jahon chempionatida yaqinlashib kelayotgan Osiyo o‘yinlarida ishtirok etadigan sportchilar ham sovrinli o‘rinlar uchun kurash olib boradilar. Demak, mazkur musobaqa ular uchun Jakartadagi o‘yinlarga o‘ziga xos tayyorgarlik vazifasini ham bajaradi.

Milliy olimpiya qo‘mitasi ushbu musobaqada sportchilarimizga omad tilaydi.