24-30 июль кунлари Болгариянинг Пловдив шаҳрида байдарка ва каноэда эшкак эшиш бўйича 23 ёшгача бўлган спортчилар ўртасида жаҳон чемпионати бўлиб ўтади.

Мусобақада ўзбекистонлик спортчилар ҳам иштирок этадилар. Чемпионат давомида терма жамоамиз шарафини Артур Гулеев, Элёржон Мамадалиев, Дилноза Раҳматова, Нилуфар Зокирова, Юлия Цой, Наталья Казанцева, Шохрухбек Аъзамов, Шахриёр Маҳкамов, Жавохир Нурматов, Герман Арнольд, Суннат Тожиев, Гулбаҳор Файзиева, Исломжон Абдусаломов, Шерзод Ҳакимжонов, Денис Онуфриев, Сухнатилло Иногамов каби спортчилар ҳимоя қилишади.

Улар мусобақада мураббийлар Рустам Мирзадиёров, Вячеслав Сергеев, Рашид Мусаев ҳамда Екатерина Зарковалар қўл остида иштирок этишади.

Қайд этиб ўтиш лозимки, мазкур жаҳон чемпионатида яқинлашиб келаётган Осиё ўйинларида иштирок этадиган спортчилар ҳам совринли ўринлар учун кураш олиб борадилар. Демак, мазкур мусобақа улар учун Жакартадаги ўйинларга ўзига хос тайёргарлик вазифасини ҳам бажаради.

Миллий олимпия қўмитаси ушбу мусобақада спортчиларимизга омад тилайди.