"Neftchi" - "Qizilqum" bahsidan so‘ng mehmonlar ustozi Hamidjon Aktamov quyidagicha fikr bildirdi:
- O‘yin biroz qiyin o‘tdi. Lekin yetarlicha qulay imkoniyatlarni yuzaga keltira oldik. Bugun yirik hisobda g‘alabaga erishishimiz ham mumkin edi. Maqsadimiz - uyga g‘alaba bilan qaytish edi. Qolaversa, bugun bizni Farg‘onada ham qo‘llab-quvvatlash uchun bir qancha navoiylik muxlislarimiz ham tashrif buyurishdi. Ularga uzoq yo‘l bosib kelganliklari uchun rahmat. "Neftchi" jamoasiga ham omad tilayman. Hali bu jamoada hammasi o‘z iziga tushib ketadi. Yangi o‘yinchilardan tezda yaxshi tarkib shakllantirish biroz mushkul. "Neftchi" ham shu jarayondan o‘tib olsa, uyog‘iga qiyinchiliklar ortda qoladi. Bizning jamoamiz esa kuchli oltilikka kirishga intiladi - dedi tajribali murabbiy.
