Yevropa futbol mavsumining yakuniy bahsi 15 avgust kuni Estoniya poytaxti Tallin shahrida bo‘lib o‘tadi. O‘yin UZREPORT TV va FUTBOL TV telekanallarida jonli efirda uzatiladi.
Bu yil sovrin uchun Madridning “Real” va “Atletiko” klublari kurashishadi. Qizig‘i, Superkubok finalida ilk bor bir shahardan kelgan jamoalar to‘qnash kelmoqda. Ushbu o‘yinda ishtirok etish uchun "Real Madrid" jamoasi Chempionlar ligasi finalida “Liverpul”ni (3:1, Olimpiya MSK, Kiyev, Ukraina) mag‘lubiyatga uchratdi. O‘z navbatida “Atletiko” Yevropa Ligasi finalida “Olimpik Marsel” (3:0, Park Olimpik Lionne, Lion, Fransiya) ustidan g‘alaba qozondi.
So‘nggi ikki yilda Superkubokni “Real” qo‘lga kiritdi. Agar u bu yil ham g‘alaba qozonsa, “Real” ketma-ket uch marta Superkubok g‘olibi bo‘lgan birinchi klub bo‘lishi mumkin. O‘tgan mavsumda ular “Manchester Yunayted”ni 2:1 hisobida mag‘lubiyatga uchratishgan edi.
“Atletiko” “Real Madrid”ga qarshi final bahslarining muvaffaqiyatsiz natijalariga qaramay, Yevropa Superkubogida 100 foiz g‘alabalar tarixiga ega: 2010-yili jamoa “Inter”ni 2:0 va 2012-yili “Chelsi”ni 4:1 hisobi bilan mag‘lubiyatga uchratgan edi.
Ushbu jamoalar o‘rtasidagi barcha bahslar hayajonli voqealarga boy bo‘lib kelgan. Uyin sifati va maydonga tushadigan har bir futbolchining maxorati 2018-yil mavusmining Superkubok uchrashuvini yuqori darajada o‘tishini ta’minlashiga ishonchimiz komil.
O‘yinlarni UZREPORT TV va FUTBOL TV kanallarida kuzatib boring va o‘z jamoangizga muhlislik qiling!
Qadrli teletomoshabinlar, eslatib o‘tamiz, UZREPORT TV va FUTBOL TV telekanallari HD formatiga o‘tgan, bu esa videotasvirni yuqori sifatda uzatilishini ta’minlaydi. Bundan tashqari, telekanallarda kerakli tilni tanlash uchun mo‘ljallangan ikki tilli audio-yo‘lakcha joriy etilgan.