Xabar berib o‘tganimizdek, taekvondochilarimiz Janubiy Koreyaning Jeju shahrida o‘tkazilgan "Korea Open" reyting musobaqasida muvaffaqiyatli ishtirok etishdi. Hamyurtlarimiz ushbu reyting turnirida 22ta medal qo‘lga kiritishdi.
Bugun terma jamoamiz a’zolari yurtimizga qaytib kelishdi. Ularni Islom Karimov nomidagi Toshkent xalqaro aeroportida O‘zbekiston Milliy olimpiya qo‘mitasi va O‘zbekiston taekvondo WTF assosiasiyasi mutasaddilari, sportchilarning yaqinlari, ommaviy axborot vositalari xodimlari kutib olishdi.
Ulug‘bek Rashidov (oltin medal): «Musobaqa reyting ochkolarini jamg‘arish uchun muhim edi. Unda yig‘ilgan ochkolar navbatdagi turnirlarda asqotadi. Undan tashqari, Olimpiada yo‘llanmasini qo‘lga kiritishda ham muhim ahamiyat kasb etadi.
Turnir davomida to‘rtta jang o‘tkazdim va ularning barchasida g‘alaba qozonib, oltin medalni qo‘lga kiritdim.
Eng qiyin jangim? Chorak finalda taylandlik raqibga qarshi bahs qiyin kechdi. Uni 17:14 hisobida mag‘lubiyatga uchratdim.
Endi o‘smirlar Olimpiadasida ham birinchi o‘rinni qo‘lga kiritmoqchiman».
Eslatib o‘tamiz, musobaqada sovrindor bo‘lgan o‘zbekistonlik sportchilar ro‘yxati quyidagicha ko‘rinish olgan:
Oltin:
Nurlan Boydxo‘jayev
Zafarbek Karimov
Shahzod Jo‘rayev
Ulug‘bek Rashitov
Jasurbek Jaysunov
Najmiddin Qosimhojiyev
Fariz Mahmudi
Gulhumor Sodiqova
Mohinabonu Ahadova
Saidmurodxo‘ja Toxirxo‘jayev
Kumush:
Amir Boturov
Aziz Arziyev
Islom Rajabov
Jahongir Xudoyberganov
Muhammadroshad Akramov
Oyatullox Akramov
Bronza:
Dinora Mamadibragimova
Amir To‘rayev
Abdulaziz Hamidullayev
Ibrohim Nigmanov
Muhammadalixon Muxtorxonov
Madinabonu Mannopova.