Хабар бериб ўтганимиздек, таэквондочиларимиз Жанубий Кореянинг Жежу шаҳрида ўтказилган "Korea Open" рейтинг мусобақасида муваффақиятли иштирок этишди. Ҳамюртларимиз ушбу рейтинг турнирида 22та медаль қўлга киритишди.
Бугун терма жамоамиз аъзолари юртимизга қайтиб келишди. Уларни Ислом Каримов номидаги Тошкент халқаро аэропортида Ўзбекистон Миллий олимпия қўмитаси ва Ўзбекистон таэквондо WTF ассоциацияси мутасаддилари, спортчиларнинг яқинлари, оммавий ахборот воситалари ходимлари кутиб олишди.
Улуғбек Рашидов (олтин медаль): «Мусобақа рейтинг очколарини жамғариш учун муҳим эди. Унда йиғилган очколар навбатдаги турнирларда асқотади. Ундан ташқари, Олимпиада йўлланмасини қўлга киритишда ҳам муҳим аҳамият касб этади.
Турнир давомида тўртта жанг ўтказдим ва уларнинг барчасида ғалаба қозониб, олтин медални қўлга киритдим.
Энг қийин жангим? Чорак финалда тайландлик рақибга қарши баҳс қийин кечди. Уни 17:14 ҳисобида мағлубиятга учратдим.
Энди ўсмирлар Олимпиадасида ҳам биринчи ўринни қўлга киритмоқчиман».
Эслатиб ўтамиз, мусобақада совриндор бўлган ўзбекистонлик спортчилар рўйхати қуйидагича кўриниш олган:
Олтин:
Нурлан Бойдхўжаев
Зафарбек Каримов
Шаҳзод Жўраев
Улуғбек Рашитов
Жасурбек Жайсунов
Нажмиддин Қосимҳожиев
Фариз Маҳмуди
Гулҳумор Содиқова
Моҳинабону Аҳадова
Саидмуродхўжа Тохирхўжаев
Кумуш:
Амир Ботуров
Азиз Арзиев
Ислом Ражабов
Жаҳонгир Худойберганов
Муҳаммадрошад Акрамов
Оятуллох Акрамов
Бронза:
Динора Мамадибрагимова
Амир Тўраев
Абдулазиз Ҳамидуллаев
Иброҳим Нигманов
Муҳаммадалихон Мухторхонов
Мадинабону Маннопова.
