Angliya terma jamoasining sobiq hujumchisi Gari Linekerning fikricha, JCH-2018ning «Oltin to‘p»ini Fransiya terma jamoasi yarim himoyachisi N`Golo Kantega berish kerak ekan. Mbappeni esa ikkinchi Pele deb atadi.
Jahon chempionati finalida Fransiya Xorvatiya ustidan 4:2 hisobida zafar quchib, o‘z tarixida ikkinchi bor shohsupaga ko‘tarildi. Bugun Linekerning L`Equipe nashriga bergan intervyusi bilan tanishamiz.
- N`Golo Kantesi bor jamoa jahon chempionati finalida mag‘lub bo‘lishi mumkinmi?
- Bu gapni Kante mening «Lester»imda (Lineker shu jamoada faoliyatini boshlagan) o‘ynagani uchun aytyapsizmi? Umuman olganda, siz haqsiz. Chunki men N`Goloni JCH-2018ning eng yaxshi futbolchisi, deb hisoblayman. Lekin u alohida ajralib turishni istamaydi va o‘yini ko‘zga tashlanmaydi.
Bu futbolchi hamisha jamoa uchun o‘ynaydi. U ikki nafar futbolchining ishini bajaradi. Fransiya terma jamoasi Kante bilan bir kishi ko‘pdek harakat qiladi. Ajoyib pas beradi, maydonning hamma joyida o‘ynaydi. Aynan u tufayli Fransiya jahon chempionatiga chiqdi.
- Kante «Lester»dan «Chelsi»ga o‘tgan bo‘lsada, siz uning muxlisisiz...
- Albatta! Hayotimda undan yaxshi tayanch yarim himoyachisini ko‘rmaganman. O‘yinni ajoyib tarzda o‘qiy oladi. Hamma yerga ulguradi, to‘pni olib qo‘yishini aytmaysizmi! Misoli «zanjirdagi it». To‘pni qabul qilib oldingiz, birdan uni yo‘qotasiz. N`Golo uni qanday olib qo‘yganini sezmay ham qolasiz.
Haligacha Didye Desham uni Yevro-2016 finalida maydonga tushirmaganini tushuna olmayman. Deshamni juda hurmat qilaman, lekin u o‘sha kuni murabbiylik faoliyatidagi eng katta xatoga yo‘l qo‘ygan. Agar Portugaliyaga qarshi o‘yinda N`Golo bo‘lganida, Fransiya mag‘lubiyatga uchramasdi.
- Kante - Xorvatiyaga qarshi final uchrashuvida muvaffaqiyat garovimi?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
