Bolajonlar yozgi ta’tilni maroqli va mazmunli o‘tkazishlarini ta’minlash maqsadida O‘zbekiston futbol assosiasiyasi O‘zbekiston kasaba uyushmalari federasiyasi bilan hamkorlikda har bir viloyatda futbol festivallarini tashkil etishga qaror qilgani haqida avval xabar berib o‘tgandik.
“Yoz – o‘tmoqda soz” shiori ostidagi mini futbol musobaqalari 12-14 iyul kunlari Samarqand tumanida "Do‘stlik" oromgohida o‘tkazilgan edi. 26 iyul kuni oromgoh rahbariyati va Samarqand futbol assosiasiyasi tashabbusi bilan ushbu musobaqa ikkinchi marta o‘tkazildi. Musobaqada 8 ta jamoa ishtirok etdi. Musobaqa g‘oliblariga O‘zbekiston futbol assosiasiyasi va Samarqand futbol assosiasiyasi tomonidan medallar, fahriy yorliqlar va esdalik sovg‘alar topshirildi.