Болажонлар ёзги таътилни мароқли ва мазмунли ўтказишларини таъминлаш мақсадида Ўзбекистон футбол ассоциацияси Ўзбекистон касаба уюшмалари федерацияси билан ҳамкорликда ҳар бир вилоятда футбол фестивалларини ташкил этишга қарор қилгани ҳақида аввал хабар бериб ўтгандик.
“Ёз – ўтмоқда соз” шиори остидаги мини футбол мусобақалари 12-14 июль кунлари Самарқанд туманида "Дўстлик" оромгоҳида ўтказилган эди. 26 июль куни оромгоҳ раҳбарияти ва Самарқанд футбол ассоциацияси ташаббуси билан ушбу мусобақа иккинчи марта ўтказилди. Мусобақада 8 та жамоа иштирок этди. Мусобақа ғолибларига Ўзбекистон футбол ассоциацияси ва Самарқанд футбол ассоциацияси томонидан медаллар, фаҳрий ёрлиқлар ва эсдалик совғалар топширилди.