Xabaringiz bor, ertaga Superliga 19-turi doirasida Namanganning “Navbahor” klubi o‘z maydonida Toshkentning “Paxtakor” jamoasini qabul qiladi.

Mazkur o‘yin oldidan har ikki jamoa mutasaddilari, shuningdek, uchrashuv komissari Ma’mur Saidqosimov ishtirokida miting o‘tkazildi. Unda bo‘lajak o‘yinga oid bir qator masalalar muhokama qilindi. Shuningdek, jamoalarning ertangi uchrashuvda qanday rangdagi liboslarda maydonga tushishlari ham ma’lum bo‘ldi. Unga ko‘ra, bo‘lajak bahsda “Navbahor” futbolchilari qizil, “Paxtakor” vakillari esa oq rangli futbolkalarda  maydonga tushadigan bo‘lishdi.

Eslatib o‘tamiz, “Navbahor” – “Paxtakor” uchrashuvi  “Markaziy” o‘yingohda soat 20:00da boshlanadi.