Bugun Superliganing 19-turidan o‘rin olgan “Navbahor” va “Paxtakor” jamoalari o‘zaro bahs olib boradi. Ushbu o‘yin oldidan “Navbahor” klubi himoyachisi Jahongir Mehmonov o‘z fikrlarini bildirib o‘tdi.
“Uchrashuvga a’lo darajada tayyorgarlik ko‘rganmiz. Bugungi bahsda har doimgidek faqat hujumkor o‘yin ko‘rsatamiz. Biz faqat g‘alaba uchun maydonga chiqamiz. Raqib jamoa safidagi barcha futbolchilar men uchun bir xil. Birortasini ajratib ko‘rsata olmayman.
“Paxtakor” safida yaxshi, tajribali futbolchilar to‘p tepmoqda. Lekin, ulardan kam joyimiz yo‘q. Bezerra yaxshi futbolchi, ayni paytda ajoyib sport formaga kirib olgan. Bizda Bezerrani to‘xtatib qoladigan futbolchilarimiz bor”, - deydi Jahongir Mehmonov
Jahongir Sotvoldiyev yozib oldi.
