Бугун Суперлиганинг 19-туридан ўрин олган “Навбаҳор” ва “Пахтакор” жамоалари ўзаро баҳс олиб боради. Ушбу ўйин олдидан “Навбаҳор” клуби ҳимоячиси Жаҳонгир Меҳмонов ўз фикрларини билдириб ўтди.
“Учрашувга аъло даражада тайёргарлик кўрганмиз. Бугунги баҳсда ҳар доимгидек фақат ҳужумкор ўйин кўрсатамиз. Биз фақат ғалаба учун майдонга чиқамиз. Рақиб жамоа сафидаги барча футболчилар мен учун бир хил. Бирортасини ажратиб кўрсата олмайман.
“Пахтакор” сафида яхши, тажрибали футболчилар тўп тепмоқда. Лекин, улардан кам жойимиз йўқ. Безерра яхши футболчи, айни пайтда ажойиб спорт формага кириб олган. Бизда Безеррани тўхтатиб қоладиган футболчиларимиз бор”, - дейди Жаҳонгир Меҳмонов
Жаҳонгир Сотволдиев ёзиб олди.
