"Qo‘qon-1912" klubi Matbuot xizmati sharhi.
Oldingi uchrashuvda alamli mag‘lubiyatga uchragan o‘rinbosarlarimiz ushbu bahsda g‘alaba qozonishni maqsad qilishgani bois o‘yinni hujumkor ruhda boshlashdi. 2-daqiqada raqib darvozasi oldida xavfli vaziyat vujudga keldi. Himoyachilar amallab hujumni qaytarishdi. 28-daqiqada mehmonlar hisobni ochishgandi. Bosh hakam avvaliga golni inobatga oldi. Biroq yordamchisi bilan maslahatlashgach, golni bekor qildi.
32-daqiqa himoyachilarimiz jarima maydonchasi ichida “So‘g‘diyona” futbolchisini qo‘pollik bilan to‘xtatib qoldi. Bosh hakam penalti belgiladi. Penaltini esa Nurullo To‘xtasinov bexato bajardi.
Qolgan daqiqalarda muxlislarga boshqa gol ko‘rish nasib etmadi. Jamoalar tanaffusga shu hisobda chiqib ketishdi.
Ikkinchi bo‘limni ham futbolchilarimiz shiddatli hujumlar ostida boshlashdi. 55-daqiqada hisobni tenglashtirishga yaqinlashdik. Ibrohim G‘ofurovning boshi bilan yo‘llagan zarbasi darvoza to‘siniga tegib qaytdi.
69-daqiqada futbolchilarimiz hisobni tengalshtirishdi. Burchakdan oshirilgan to‘pni Iqbol Malikjonov raqib darvozasiga aniq yo‘lladi. Malikjonov birinchi davrani aynan “So‘g‘diyona” jamoasida o‘tkazganini unutmaslik lozim. 74-daqiqada Muslim Qurbonovning zarbasiga ozgina aniqlik yetishmadi. 78-daqiqada Abramovning jarima zarbasi darvoza ustuniga tegdi. Yana bir bor mehmonlarni darvoza ustuni saqlab qoldi. 85-daqiqada Malikjonovning kuchli zarbasini mehmonlar posboni qaytarishga erishdi. Ajoyib sayv.
88-daqiqada mehmonlar o‘z jarima maydonchalari ichida qo‘pollik ishlatishdi. Hakam penalti belgiladi. Saveliy Abramov penaltini aniq amalga oshirdi.
Shu tariqa, vakillarimiz irodali g‘alabaga erishishdi.
Yoshlar ligasi
19-tur
“Qo‘qon-1912” – “So‘g‘diyona” – 2:1 (0:1)
Hakamlar: F. Yansupov, SH. A’zamov, D. Mirzaraimov, S. Rahmonov.
Nazoratchi: I. Nexochin.
Gollar: Iqbol Malikjonov – 69, Saveliy Abramov – 89 (pen). – Nurullo To‘xtasinov – 32 (pen)
“Qo‘qon-1912”: 12. Muhammadali Sobirov, 5. Jasur Yoqubov, 10. Ibrohim Muxtorov, 11. Muslim Qurbonov, 14. Iqbol Malikjonov, 17. Dilshod Baratov, 18. Doston Meliqo‘ziyev, 23. Mo‘min Sodiqjonov, 26. Ismoil Tolipov, 70. Ibrohim G‘ofurov, 98. Saveliy Abramov.
Zaxira: 16. Mirzohid Jalilov, 4. Shukur Mo‘minov,8. Ibrohim Ahmadjonov, 9. Ramz Isaqov, 25. Oxun Olimov, 85. Shohjahon Qosimjonov, 96. Bekzod Karimov.
“So‘g‘diyona”: 1. Shirinboy Abdullayev, 3. Nodir Quybekov, 4. Jasur O‘rinov, 7. Shahboz Jo‘rabekov, 10. Siroj Meliyev, 11. Sahob Rashidov, 13. Shohjahon Hasanov, 14. Javohir Xayrullayev, 18. Nurullo To‘xtasinov, 47. Javlon Abdumurotov, 77. Nuriddin Hasanov.
Zaxira: 32. Azamat Soyibov, 2. Asiljon Orifov, 17. Ibrohim Qodirov, 27. Ilyor Sobirjonov, 34. Doston Ergashev, 55. Otabek Abdunorov, 91. Muslim Abdullayev.
