“Navbahor” — “Paxtakor” uchrashuvidan so‘ng mehmonlar ustozi Shota Arveladze quyidagicha fikr bildirib o‘tdi:

- Muxlislar bilan to‘la stadiondagi atmosfera juda yoqimli. Faqat bugun ajoyib atmosferaga maydonning holati biroz halal berdi. O‘yinga to‘txalsam, bugun biz yaxshi o‘yin ko‘rsatdik. Bizda ham qulay imkoniyatlar ko‘p bo‘ldi.

Uchrashuvni boshqarish uchun xorijdan hakamlar taklif etilgani yaxshi yoki yo‘qligi xususida esa biror narsa deyishim qiyin.

Bunga yetarlicha asoslar bo‘lgandir, balki. Zero men O‘zbekistonda ish boshlaganimga hali ko‘p bo‘lmadi. Nega ba’zan xorijlik tajribali referilar muhim o‘yinlarni boshqarishga taklif etilishini mahalliy muxlis va mutaxassislar mendan ko‘ra yaxshiroq bilishsa kerak.

To‘g‘ri, Gollandiya yoki Angliyada chetdan hakamlar chaqirilishiga guvoh bo‘lmaganman. Lekin PFL yaqindagina Jahon chempionatida ishlagan tajribali hakamlarni taklif etdi.

Agar bu qaror futbol rivoji uchun bo‘lsa, nega endi ushbu qarorni yaxshi qabul qilmasligimiz, uni olqishlamasligimiz kerak, - dedi mutaxassis.