“Навбаҳор” — “Пахтакор” учрашувидан сўнг меҳмонлар устози Шота Арвеладзе қуйидагича фикр билдириб ўтди:
- Мухлислар билан тўла стадиондаги атмосфера жуда ёқимли. Фақат бугун ажойиб атмосферага майдоннинг ҳолати бироз ҳалал берди. Ўйинга тўтхалсам, бугун биз яхши ўйин кўрсатдик. Бизда ҳам қулай имкониятлар кўп бўлди.
Учрашувни бошқариш учун хориждан ҳакамлар таклиф этилгани яхши ёки йўқлиги хусусида эса бирор нарса дейишим қийин.
Бунга етарлича асослар бўлгандир, балки. Зеро мен Ўзбекистонда иш бошлаганимга ҳали кўп бўлмади. Нега баъзан хорижлик тажрибали реферилар муҳим ўйинларни бошқаришга таклиф этилишини маҳаллий мухлис ва мутахассислар мендан кўра яхшироқ билишса керак.
Тўғри, Голландия ёки Англияда четдан ҳакамлар чақирилишига гувоҳ бўлмаганман. Лекин ПФЛ яқиндагина Жаҳон чемпионатида ишлаган тажрибали ҳакамларни таклиф этди.
Агар бу қарор футбол ривожи учун бўлса, нега энди ушбу қарорни яхши қабул қилмаслигимиз, уни олқишламаслигимиз керак, - деди мутахассис.
