JCH-2018 guruh bosqichidan muvaffaqiyatli o‘tgan yagona Osiyo vakili Yaponiya termasi nimchorak finalda yulduzlarga boy Belgiyadan yengilgan bo‘lsa-da, Osiyo kubogi-2019dagi guruhdoshlarimizning o‘yini ko‘pchilikda iliq taassurot qoldirdi.
Yaponiya turnirda 4ta o‘yin o‘tkazgan bo‘lsa, faqat Polshaga qarshi bahsda taktik sxema tufayli mag‘lubiyatga uchradi. Jamoa keyingi bosqichga chiqish uchun o‘yinning oxirida oldinga o‘tishga tavakkal qilmadi. Kolumbiya bilan 1-tur o‘yini Osiyo jamoalari ko‘prog‘iga umid qilishi uchun asos borligini ko‘rsatdi.
O‘ta murakkab guruhdan chiqqan «samuraylar» taktik ishlanmalar tufayli natija ko‘rsatishdi. Akiro Nishino Yaponiya termasida atigi 7ta o‘yinda ishlagan bo‘lsa-da, yorqin taassurot qoldirdi.
Yaponiya termasi vakillarini o‘z yurtlarida minglab muxlislar kutib olishdi. Futbolchilar uchun bundan ortiqroq rag‘bat bormikan? Darhol bosh murabbiy Akiro Nishino va terma sardori Makoto Xasebe ishtirokida matbuot anjumani tashkil etildi.
Unga ko‘ra, Nishino milliy jamoa bosh murabbiyligidan ketdi. Bundan tashqari, Makoto Xasebe, Keysuke Xonda va Gotoku Sakai ham termadagi faoliyatlariga yakun yasashdi.
Xonda uzoq yillardan beri yaponlarning sevimli o‘yinchilaridan biri sanaladi. Keysuke SSKAda to‘p surganida, uning ko‘plab muxlislari Moskvaga kelib, o‘yinni tomosha qilishgandi. U o‘z yurtining ishonchini qozona olgan.
Bu yilgi chempionatda uning 90 daqiqa to‘p surolmasligini ko‘pchilik yaxshi bilardi. Ammo qisqa vaqt bo‘lsa ham, u maydonda juda sifatli darajada harakatlandi. Belgiyaga qarshi uchrashuvda tezkor o‘ynadi, Senegal darvozasiga gol urdi va Kolumbiya bilan bahsda samarali uzatma berdi. Umuman olganda, ishini a’lo darajada bajardi.
Uning hisobida terma jamoa uchun o‘tkazilgan 97ta o‘yin va 37ta gol bor. Agar yaponlar finalga chiqqanida, Xonda ishtirokidagi uchrashuvlar soni 100ta bo‘larmidi?!
Xasebe - terma faxriysi, muhim o‘yinchilardan biri. U milliy jamoaning 114ta bahsida ishtirok etgan. 2008 yildan buyon Germaniya Bundesligasida to‘p surayotgan 34 yoshli yarim himoyachi «Ayntraxt» (F) safida o‘z o‘rnini yanada mustahkamlamoqchi.
Germaniyaning «Gamburg» klubida o‘ynayotgan 27 yoshli Gotoku Sakai termadan ketayotganini o‘z o‘yinida pasayish yuzaga kelgani bilan izohladi: «Oxirgi paytlarda o‘z o‘yinimdan qoniqmadim, shu bois milliy jamoadan ketishga qaror qildim», - dedi Yaponiya termasi safida olti yil to‘p surgan futbolchi. U shu vaqt mobaynida 42ta uchrashuv o‘tkazdi.
Yaponiyaning JCH-2018ga borgan tarkibi
|
№ |
Darvozabonlar |
Tug‘.sanasi |
O‘ |
G |
Klubi |
O‘ |
G |
S |
|
1 |
Eyji Kavashima |
20.05.83 |
88 |
- |
Mes (Fransiya) |
4 |
- |
1 |
|
12 |
Masaaki Xigasiguti |
12.05.86 |
5 |
- |
Gamba Osaka |
- |
- |
- |
|
23 |
Kosuke Nakamura |
27.02.95 |
4 |
- |
Kasiva Reysol |
- |
- |
- |
|
№ |
Himoyachilar |
Tug‘.sanasi |
O‘ |
G |
Klubi |
O‘ |
G |
S |
|
2 |
Naomiti Ueda |
24.10.94 |
4 |
- |
Kashima Antlers |
- |
- |
- |
|
3 |
Gen Syozi |
11.12.92 |
15 |
1 |
Kashima Antlers |
3 |
- |
- |
|
5 |
Yuto Nagatomo |
12.09.86 |
109 |
3 |
Galatasaroy (Turkiya) |
4 |
- |
- |
|
6 |
Vataru Endo |
09.02.93 |
12 |
- |
Urava Red Daymonds |
- |
- |
- |
|
19 |
Xiroki Sakai |
12.04.90 |
47 |
- |
Marsel (Fransiya) |
4 |
- |
- |
|
20 |
Tomoaki Makino |
11.05.87 |
33 |
4 |
Urava Red Daymonds |
1 |
- |
1 |
|
21 |
Gotoku Sakai |
14.03.91 |
42 |
- |
Gamburg (Germaniya) |
1 |
- |
- |
|
22 |
Maya Yoshida |
24.08.88 |
86 |
10 |
Sautgempton (Angliya) |
4 |
- |
- |
|
№ |
Yarim himoyachilar |
Tug‘.sanasi |
O‘ |
G |
Klubi |
O‘ |
G |
S |
|
4 |
Keysuke Xonda |
13.06.86 |
98 |
37 |
Pachuka (Meksika) |
3 |
1 |
- |
|
7 |
Gaku Shibasaki |
28.05.92 |
22 |
3 |
Xetafe (Ispaniya) |
4 |
- |
1 |
|
8 |
Genki Xaraguchi |
09.05.91 |
36 |
7 |
Fortuna D (Germaniya) |
3 |
1 |
- |
|
10 |
Shinji Kagava |
17.03.89 |
95 |
31 |
Borussiya D (Germaniya) |
3 |
1 |
- |
|
11 |
Takashi Usami |
06.05.92 |
26 |
3 |
Fortuna D (Germaniya) |
2 |
- |
- |
|
14 |
Takashi Inui |
02.06.88 |
31 |
6 |
Betis (Ispaniya) |
4 |
2 |
1 |
|
16 |
Xotaru Yamaguchi |
06.10.90 |
45 |
2 |
Sereso Osaka |
3 |
- |
- |
|
17 |
Makoto Xasebe |
18.01.84 |
114 |
2 |
Ayntraxt F (Germaniya) |
4 |
- |
1 |
|
18 |
Ryota Osima |
23.02.93 |
5 |
- |
Kavasaki Frontale |
- |
- |
- |
|
№ |
Hujumchilar |
Tug‘.sanasi |
O‘ |
G |
Klubi |
O‘ |
G |
S |
|
9 |
Shinji Okazaki |
16.04.86 |
116 |
50 |
Lester (Angliya) |
3 |
- |
- |
|
13 |
Yosinori Muto |
15.07.92 |
25 |
2 |
Mayns (Germaniya) |
1 |
- |
- |
|
15 |
Yuya Osako |
18.05.90 |
33 |
8 |
Kyoln (Germaniya) |
4 |
1 |
- |
Yangi bosh murabbiy: Xajime Moriyasu.
1968 yil 23 avgustda Kakegava shahrida tavallud topgan. 1987-2001 yillarda «Sanfrechche Xirosima», 2002-2003 yillarda «Vegalta Senday» klublarida yarim himoyachi pozisiyasida to‘p surgan. 1992-1996 yillarda Yaponiya terma jamoasi safida 35ta o‘yin o‘tkazib, 1ta gol urgan.
2012-2017 yillarda «Sanfrechche Xirosima» klubini, so‘nggi 1 yil davomida 23 yoshgacha bo‘lgan futbolchilardan tuzilgan Yaponiya termasini boshqardi. JCH-2018dan so‘ng Yaponiya FA uni milliy jamoa bosh murabbiyi vazifasini bajaruvchi etib tayinladi.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
