"Yuventus" hujumchisi Gonsalo Iguainga "Milan" klubi taklif qilayotgan shartlar yoqmayapti.
Italiyalik jurnalist Janluiji Di Marsioning ma’lum qilishicha, futbolchining agenti "Milan" rahbariyati bilan muzokara olib bormoqda. Hammasi "Milan" futbolchini ijaraga olishiga qarab ketmoqda. Ijara summasi 18 mln yevro bo‘lib, keyinchalik 36 mln yevro evaziga sotib olish huquqi ham bor.
Iguain bir yildan so‘ng "Milan" uni sotib olishdan bosh tortishidan cho‘chiyapti. Shuningdek, argentinalik futbolchi milanliklar safida "Yuventus"dagidan ko‘proq maosh talab qilmoqda. Buni "Milan"ning YECHLda ishtirok etmayotgani bilan izohlamoqda.