"Ювентус" ҳужумчиси Гонсало Игуаинга "Милан" клуби таклиф қилаётган шартлар ёқмаяпти.
Италиялик журналист Жанлуижи Ди Марционинг маълум қилишича, футболчининг агенти "Милан" раҳбарияти билан музокара олиб бормоқда. Ҳаммаси "Милан" футболчини ижарага олишига қараб кетмоқда. Ижара суммаси 18 млн евро бўлиб, кейинчалик 36 млн евро эвазига сотиб олиш ҳуқуқи ҳам бор.
Игуаин бир йилдан сўнг "Милан" уни сотиб олишдан бош тортишидан чўчияпти. Шунингдек, аргентиналик футболчи миланликлар сафида "Ювентус"дагидан кўпроқ маош талаб қилмоқда. Буни "Милан"нинг ЕЧЛда иштирок этмаётгани билан изоҳламоқда.













