Xabaringiz bor, 2 avgust kuni Pepsi  Superliganing 20-turida "Bunyodkor" o‘z uyida "Qo‘qon 1912" jamoasini  qabul qiladi.

Bugun ushbu o‘yindan avvalgi ikki jamoa hamda uchrashuv rasmiylarining yig‘ilishi bo‘lib o‘tdi. Yig‘ilishda tashkiliy masalalar muhokama qilindi.

Shuningdek, yig‘ilishda ertangi bahsda jamoalar qanday rangli libosda  maydonga chiqishiga ham aniqlik kiritildi. Unga ko‘ra "Bunyodkor" a’zolari to‘q ko‘k sport formasida, "Qo‘qon1912" jamoasi esa havorang libosda harakat qiladi.

Eslatib o‘tamiz, o‘yin 2 avgust kuni soat 21:00da boshlanadi.